Ein Unsinnsgedicht
Damid ham’mer ned gereschned
dass de Dialeggt sisch so halde wüdde
Da hör’n mer dem Kind zu
wie’s brabbelt und babbelt
den Ludscher im Mund
den Ball um de Disch rum dotzd
die babbische Hände
am Dischduch abwischd
mit große Auge zum Vadder guckt
den Mund aufsperrt und sprischd:
Dem Paul sei Babba had sisch au ned so uffgerescht
Des mit dem Schreibe is hald gar ned so leischd
Die Wödder klinge so und schreibe sisch ganz anners
Wie soll des denn einer verstehe?
Des mit dem Dialeggt, des rafft doch wigglisch keiner
Aba spädestens wenn des Kind ald genuch is
von de Schul zur Uni zu gehe
dann is de Dialeggt verschwunde
Zurück bleibt Hochdeutsch wie es im Buche steht.
Mit dem sozialen Aufstieg kommt die Hochsprache.
Un nur die Heimad kann manschemal
den Dialeggt wieda naufhole
fühld sisch dann heimisch an
des Gebrabbel un Gebabbel
e weng minderbemiddeld
un stolz drauf